O‘zbekiston Respublikasining Konstitutsiyasi, O‘zbekiston Respublikasining “Ta’lim to‘g‘risida”gi Qonuni, Mehnat kodeksi hamda qonunosti hujjatlariga muvofiq universitet nomenklaturasidagi kadrlarni tanlash, joy-joyiga qo‘yish hamda universitet tizimidagi ta’lim muassasalarida soha uchun kadrlar tayyorlash ularning malakasini oshirish, qayta tayyorlash, borasidagi faoliyatni muvofiqlashtirish;

rektor tomonidan lavozimga tayinlanadigan va lavozimdan ozod etiladigan lavozimlarga (keyingi o‘rinlarda – nomenklatura) prorektorlar, fakultet dekanlari, kafedra mudirlari, bo‘lim va tarkibiy bo‘linmalar boshliqlari bilan hamkorlikda nomzodlarni o‘rnatilgan tartibda o‘rganib xulosa va takliflar tayyorlash;

Universitet nomenklaturasidagi lavozimlar kadrlar zaxirasini shakllantirish, istiqbolli yoshlarni boshqaruv faoliyatiga tayyorlash maqsadida ularning zaruriy tajriba va malaka oshirishlarini tashkil etish;

qonunchilikda belgilangan tartibda va muddatlarda tizim xodimlarini attestatsiyadan o‘tkazish, ushbu jarayonga tayyorgarlik va o‘tkazilishini uslubiy ta’minlash va tashkil etishda qatnashish;

Universitet tarkibiy bo‘linmalari va xodimlari faoliyati natijadorligini baholash mezonlari va indikatorlari asosida tahlil qilish, reyting yakunlariga ko‘ra ularni rag‘batlantirish yoki shaxsiy javobgarligini oshirish, mas'uliyatini kuchaytirish yuzasidan takliflar tayyorlash;

Universitet tizimidagi ta'lim muassasalari faoliyatini takomillashtirish, fan va ta'limni rivojlantirish bo‘yicha o‘rta va uzoq muddatli harakat dasturlarini ishlab chiqish va joriy qilishda ishtirok etish.

Xodimlar bo'limining Nizomi